Foto: Sheila Fernandes
Antón Díaz
Baixista
Chuches Amil ten a honra de contar entre os seus colaboradores con todo un clásico do bravú e do rock galego en xeral. Os seus virtuosos dedos ritmaron o baixo no disco libro Un conto ao revés, capitaneando a sección rítmica.
De gran versatilidade, Antón Díaz o mesmo chucha no jazz frenético como no vertixinoso funk-folk, para aterrar no punkismo disco-ska máis sorprendente. A súa pegada marca escola en grupos que foron influenciados por algunhas das formacións que alimentou coa súa sabedoría, bandas míticas como Os Papaqueixos, A Turma Angologalaica de Alberto Mbundi, Tres Trebóns, Ulträqäns, Banda Fura Fura, Ondas Martenot, Banda Xangai, e outras tantas que poidades atopar de nome tan contundente e orixinal como as aquí expostas.
