Foto: Josiño
Javi Prieto
Debuxante, ilustrador, muralista…
A maxia coa que opera Javi Prieto os trazos que dan vida ao seu imaxinario persoal, dun xeito moi poderoso e particular, é rapidamente recoñecible, e ademais moi versátil. Cando Chuches Amil lle propón colaborar no seu primeiro disco, “Un conto ao revés”, Javi Prieto acepta o risco de navegar por un novo río afastado dos seus habituais cauces. Nun chimpo dimensional plasma un mundo de fantasía, que aportou múltiples e marabillosas ideas que fixeron posible o inicio da aventura gráfica de Chuches Amil, fornecendo de paisaxes e criaturas ao noso grupo favorito.
Javi Prieto colaborou en fanzines, comics, revistas, portadas de discos de grupos galegos como Zenzär, Os Papaqueixos, Ulträqäns, etc.
