Colaboradores

Foto: Facebook Foto: Facebook

Xulio Amigo

Director comercial de Galaxia

Xulio asomou á vida para ler a eito, en Cangas do Morrazo. Fixo da literatura o seu eixo vital. Elegante, distinguido, culto, educado. Un auténtico dandy da arte de escribir e ler e desfrutar coa vida.

Chuches Amil asaltamos a Xulio Amigo no Culturgal do ano 2014. Amosámoslle un par de bosquexos das ilustracións de Javi Prieto e falámoslle das cancións xa gravadas do que queriamos que fose Un conto ao revés. Xulio foi quen de ver alén daqueles bosquexos músico-ilustrativos e alentar para construír o noso soño baixo o seu abeiro. Ás poucas semanas acolléunos nas oficinas de Galaxia, en Vigo, para aloumiñarnos e ofrecermos a colección Sonárbore como catapulta.

Xulio Amigo finou. Pero continúa a vivir no maxín e nos corazóns de todxs xs que o coñecimos e o tratamos. E segue infinito enredando coas consonantes e as vogais que se tecen e entretecen, alentando arelas e vocacións.

Xulio Amigo. Amigo Xulio.

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continua navegando, consideramos que acepta su uso. Puede cambiar la configuración u obtener más información en nuestro aviso legal.



Acepto