III Miúdo Fest
Actuación o 15 de setembro de 2018 no III MIÚDO FEST, no C.S.A. Pontepedriñas, en MOS (Pontevedra). Festival Miúdo, pero grande.
Fran Amil e Aarón Bouzón recén chegados do Caribe. Ou a piques de marchares para alí. Quen sabe?
A banda ao completo. De esquerda a dereita: Bernardo Pita á guitarra, Aarón Bouzón co ewi, Fran Amil co micro, Miguel Paz na batería, Ricardo Casás ao saxo e Álex Bardanca ao baixo.
A foto deixa rexistrado un intre que ten pinta de monstruoso.
Non cabe dúbida de que Bernardo Pita é o dono da guitarra. Fran Amil réndelle pleitesía. Se non sabedes que cousa é pleitesía, non vos preocupedes. O que o escribíu tampouco o sabe, e por aí anda tan pancho.
Bernardo Pita, guitarrista que mete medo, preguntándolle a Fran Amil que cousa é pleitesía. Fran, para non ter que contestar porque el tampouco sabe que é pleitesía, dille que toque e cale.
Fran Amil sinala a Ricardo Casás. El si sabe que cousa é pleitesía, pero como ten a boca ocupada tocando o saxo, non pode contestar.
Fran Amil, farto, explica ao público que el foi alí a cantar, non a respostar que cousa é pleitesía.
Todos están contentos porque unha nena do público sabe que cousa é pleitesía.
Fran Amil, pura enerxía sobre o escenario.
Curiosa composición na que o guitarrista queda fóra do cadro, pero a guitarra teima en ser protagonista diante de Fran Amil.
Grazas a Aarón Bouzón no ewi e Ricardo Casás co saxo, Fran Amil agallopa enrachado sobre un vento favorable.
Fran Amil e Ricardo Casás: dous monstros da música.
Fran Amil sinala a unha parella de nenos que baila monstruosamente ben. Os nenos non quixeron saír na foto porque non quixeron saír, e non hai máis que falar.
Fran Amil e Ricardo Casás competindo a ver quen chega á nota máis alta. Miguel Paz, batería de lenda, aposta por Fran.
Fran Amil e Álex Bardanca. É curioso que tocando o baixo Álex sexa máis alto que Fran. Ou será unha ilusión óptica porque Álex medra cando toca o baixo?
Por fin, a banda concentrada en actuar. Bernardo Pita cre ver no chan a resposta á pregunta de que cousa é pleitesía.