Foto: Anxeles Roca
Xosé Cobas
Ilustrador, pintor, escultor…
Xosé Cobas ten un don especial á hora de debuxar: debuxa e compón ao tempo. Nos seus debuxos o ritmo acompasa a ollada, e guíaa atinadamente para desvelar e revelar capas e intencións que agroman paseniño. Unha ollada rápida ás súas creacións arquiva unha idea, unha sensación, unha emoción. Unha ollada demorada ensarilla ideas, sensacións, emocións. E cando pensamos que os temos perfectamente clasificados, unha revisión dos debuxos significa unha revisión de ideas preconcibidas en anteriores visións. Estas revisións abren as obras a unha viaxe diferente, nova e infinita. Desfrutade coa colaboración con que Cobas honra a nosa páxina.
Podedes visitar a súa páxina e comprobar que o que deixamos anotado é ben certo. Xosé Cobas
