Da serie "O que dixeron de nós" (2ª)
Segunda entrega de “O que dixeron de nós”. Lembrade que aportamos referencia de cada artigo, para que vexades que nada non inventamos e que todo son frases e opinións de quen firma o artigo referenciado.
Traemos hoxe a esta sección o blog Palabras y mundos, no que a colaboradora Kerícolo escribiu un artigo ben laudatorio sobre o noso primeiro disco-libro “Un conto ao revés”, publicado pola Editorial Galaxia na súa colección Sonárbore.
Isto dicía: “Un conto ao Revés” de Chuches Amil e da Editorial Galaxia, pon nas nosas mans un pequeno tesouro que encheu o meu corazón de alegría e de bo humor¡¡”
Creo que sobran comentarios. Moitas grazas, Kerícolo.
Moi contentos destas expresivas e espontáneas consideracións sobre a nosa música e o noso proxecto, que abrangue contos, ilustracións, banda deseñada e moitas outras cousas, como podedes comprobar se facedes unha xeira por esta nosa páxina chea de ilusións e música para entreter unha tarde de fastío, para alimentar o espírito e para arelar a ledicia a calquera hora.
Chuches Amil, música con vida. Chuches Amil, música infinita.
Aquí podemos ver a primeira entrega de O que dixeron de nós.
