“Este robot é unha máquina” en formato historieta!!
De tebeo total. Chuches Amil deixa toda a responsabilidade do concerto nas mans de Roboto, e pasa o que pasa por lacazán.
Botádelle unha ollada, e veredes como funcionan Fran Amil e Carlos Amil con Roboto. Brais Fierro debuxa maxistralmente esta enredada idea bosquexada por Carlos Amil, para darlle forma a unha sorprendente banda deseñada.
Lembrade que para ver a historieta con máis comodidade, podedes premer no botón de full screen (pantalla completa) que hai á dereita do lector de cómic. Tamén podedes xogar co botón da lupa que hai á esquerda para aumentar ou minguar a imaxe. Para pasar de páxina, só tedes que premer nas frechas esquerda ou dereita situadas a metade de páxina. Sinxelo, verdade?
