Chuches Amil é a banda sonora de “Viñetas desde o Atlántico”!!!
Chuches Amil ten a honra de ser a banda sonora do salón do cómic “Viñetas desde o Atlántico” na edición de 2024.
Esta sensacional novidade prodúcese cunha canción inédita, titulada “Banda deseñada”, que xoga na súa letra co dobre sentido de banda deseñada como concepto, un que ten que ver coa banda musical e outro coa banda deseñada propiamente, que ben sabedes que en galego e portugués é como se chama ao cómic, tebeo ou historieta (derivado da bande dessiné francesa).
En consecuencia, a nosa canción é a protagonista de dous reels (videos curtos) animados, propios de Instagram, e un video tamén curto para outras aplicacións.
Aquí temos acceso ao video curto, en horizontal
Haberá tamén sorpresas para todos cantos accedan ao coruñés Teatro Colón perante as actividades que se realizarán todos os días pola tarde/noite, do 12 ao 18 de agosto. A nosa canción será protagonista privilexiada. Non deixedes de achegarvos e participar da festa!! Bulide, insensatos!!
O deseño do cartel é de Genie Espinosa. A animación dos videos é de Algarabía e a dirección de Manel Cráneo.
A canción conta coa participación dos músicos Paco Cerdeira (guitarra eléctrica), Antón Torroncho (baixo electrico), Ricardo Casás (saxo), Ángeles Dorrio e Carmen Rey (coros), e Fran Amil (batería, teclado e voz principal).
Fran Amil é o compositor da música e melodía, e a letra é de Carlos Amil.
Chuches Amil, música con vida. Chuches Amil, música infinita.
