Novas

Ler Conta Moito e Chuches Amil Canta e Conta Moito.

Ler máis

O mes de maio: mes das flores, das Letras Galegas e dos concertos de Chuches Amil

Xa estamos en maio. Ao caloriño dunha primavera fecunda que alegra a vista e o espíritu. Ben sabemos que maio é o mes das floresm, o mes no que se celebra o Día das Letras Galegas. Concretamente, o día 17. Este ano é adicado ás cantareiras, transmisoras da oralidade inzada de cultura tradicional que armaron as nosas tataravoas, bisavoas, avóas, nais, tías, etc. Elas, que eran o sostén anímico e facedor do fogar, enleando os traballos con festa a eito. Amparadas nas súas gorxas poderosas e armadas de canto elemento percusivo caese nas súas mans (culleres, cazos, pratos, pandeiretas, botellas de anís, latas de pimentón, etc, etc).

Pero o mes de maio é tamén o mes no que Chuches Amil vai de concerto aos concellos de Aranga (A Coruña); Meaño (Pontevedra) e a propia Cidade de Cristal. Serán tres concertos marabillosos, diferentes, cheos de ritmo, ledicia e as pegadizas cancións de Chuches Amil, que aterrarán no CEIP A Castellana, o día 6, ás 12 do mediodía, dentro da programación da Rede Cultural da Deputación de A Coruña; a Bblioteca Municipal de Meaño, o día 12, ás 18:30, dentro da programación da Rede de Bibliotecas e o "Ler Conta Moito"; e o Fórum Metropolitano da cidade de A Coruña, o día 15, contra as 12:00, nunha nova colaboración coa Policía Municipal desta cidade, que organiza, outra volta, unha xornada de ciber-seguridade á que acudirá o alumnado de varios centros de estudios coruñeses.

Xa nos tarda que cheguen estas datas. Queremos encher de enerxía os petos e para eso temos tres repertorios exclusivos para cada un destes eventos, a desenvolver en tres espazos tan diferentes (un cole; unha biblio; e un auditorio).

Lembrade que temos repertorio para tocar case dúas horas sen repetir peza... Así, cada vez que asistides a un concerto de Chuches Amil atoparedes unha nova canción para pasalo en grande, da marabillosa discoteca de éxitos de Chuches Amil, tal como vos gustan a vós, con ritmo, boa enerxía e estribillos pegadizos para cantar e bailar a esgalla.

Non descartamos que xurdan máis concertos para este mes de maio. En todo caso, terémosvos ao día nas nosas RRSS (xa sabedes, o Facebook e o Instagram) para que non vos perdades a oportunidade de asistir a algún dos nosos concertos. E temos agasallos e sorpresas especiais para celebrar que estamos de décimo aniversario. Unha oportunidade marabillosa de levar un disco de Chuches Amil para casa, por exemplo...

Así que, vémonos en maio. Chuches Amil, música con vida. Chuches Amil, música infinita.

Espectáculos de Chuches Amil inscritos na Rede Cultural da Deputación da Coruña para o ano 2025

Ler máis

Concerto Fran Amil – BPM e Centro de Documentación da Muller Rosalía de Castro, Santa Cruz, Oleiros (A Coruña) 14/03/2025 (388)

Chuches Amil na BPM e Centro de Documentación da Muller “Rosalía de Castro”, en Santa Cruz, o 14 de marzo, ás 10:30.

Ler máis

Chuches Amil formato dúo en A Fábrica (Oleiros)

Sábado 14 de decembro, ás 18:00, Chuches Amil ofrece un concerto en formato dúo grazas ao programa Apego en A Fábrica (Santa Cristina, Oleiros). Non faltedes!!!

Ler máis

Chuches Amil é a banda sonora de “Viñetas desde o Atlántico”!!!

Chuches Amil ten a honra de ser a banda sonora do salón do cómic “Viñetas desde o Atlántico” na edición de 2024.

Ler máis

Guía para mestr@s e educador@s

Nesta guía amosamos como sacar partido ás moitas seccións da páxina de Chuches Amil, para xogar e cantar coas crianzas: cancións, contos, banda deseñada, ilustracións para empregar como fondos de pantalla de diferentes dispositivos, debuxos para colorar… Minutos e minutos de sa e didáctica diversión. Anímense a descubrir todas estas marabillas!!!

Ler máis

Chuches Amil Espectáculos 2024

Aquí vos deixamos os espectáculos de Chuches Amil para este ano 2024. Ideal para as actividades dos vosos concellos, asociacións culturais e colexios. Botádelle unha ollada e contactade con nós para desfrutar da música.

Ler máis

Unha outra volta na “Hora do Conto” das bibliotecas de Oleiros

Por sexta vez, temos a honra de participar coas nosas cancións e contos na “Hora do conto”, da rede de Bibliotecas Municipais de Oleiros.

Ler máis

Da serie "O que dixeron de nós" (13ª entrega)

Décimo terceira entrega de “O que dixeron de nós”, nesta ocasión sobre a nosa actuación no programa da TVG “Luar”.

Ler máis